মুখৰিত কুঞ্জবন
(মৰমেৰে ধুনু বাৰ হাতত)
হৃদয়ৰ মহঙা বজাৰত
দুখীজনৰ বাবে কান্দি উঠা
এখনি মৰম-কোমল হৃদয়েৰে
আপুনি আহিছিল
আৰ্ত জনৰ হৃদয়ৰ খবৰ লবলৈ
চকুত তিৰবিৰ প্ৰজ্ঞাৰ পোহৰ
মুখখনিত উজ্জ্বলি উঠা বুদ্ধৰ
জ্যোতি
আৰু সেই জ্যোতিৰ এচলু স্পৰ্শত ধন্য এটি নিমাখিত প্ৰাণ
আজি মুখৰিত কুঞ্জবন
সপোনে-দিঠকে সুৰীয়া গান ৷৷
“মৌ মিঠা সুগন্ধি-২”
পাৰিজাত ফুলৰ নন্দন বনত
কোন বতাহীৰ গুণগুণনি
চৌপাশ আজি মৌমিঠা সুগন্ধি৷৷
ফুলৰ বৃষ্টি পৰে
দেৱদূতী নাচে
গানৰ তালে তালে
তা ধিন তা ধিন তা ধিন তা৷৷
নন্দনবনত আজি জোনাকময় গীতৰ মেহফিল৷৷
দেৱদূতী নাচে তা ধিন তা ধিন তা ধিন তা৷৷
No comments:
Post a Comment