Showing posts with label জান-হিয়া আখ্যান. Show all posts
Showing posts with label জান-হিয়া আখ্যান. Show all posts

Tuesday, 7 March 2017

হিয়া আখ্যান:

হিয়া আখ্যান:
শিক্ষক: ঘৰত কোনে বেছি মৰম কৰে?
হিয়া: মায়ে
শিক্ষক: মায়ে কি কৰে?
হিয়া: মায়ে কবিতা লিখে!!!

Thursday, 23 February 2017

হিয়া আখ্যান

হিয়া আখ্যান:
আমাৰ পাপাই চিগাৰেট নাখাই,ভাল ল'ৰা৷ আমাৰ পাপা সৰুৰে পৰাই ভাল৷খালী খংটো বেছি...মাংস খাই যে!!

জান আখ্যান

জান আখ্যান: 
এদিন মই আৰু এওঁ মহাভাৰতৰ বিষয়ে পাতি আছিলোঁ৷ জানে কাণ পাতি শুনি থাকি মোক ক'লে --
"মা, কৃষ্ণক বেয়া বুলি নকবা কিন্তু ,মই নাৰদ মুনিক লগাই দিম!!"

Wednesday, 25 January 2017

হিয়া আখ্যান

হিয়া আখ্যান:
হিয়াক স্কুলত মেমে দুষ্ট কৰাৰ বাবে গালি পাৰিলে৷হিয়াই গালি খাই লগৰ ল'ৰা এটাৰ কাণত ফুচফুচাই ক'লে --"মই মেমক বেয়া পাইছোঁ,কাট্টি" ...ল'ৰাটোৱে মেম'ক লগে লগে লগাই দিলে হিয়াই কাট্টি দিছে বুলি৷মেমেও হিয়াক ক'লে --"আজি মইও ৰাজসিক বেয়া পাইছোঁ,কাট্টি.."

Monday, 16 January 2017

হিয়া আখ্যান

হিয়া আখ্যান:
হিয়াক এদিন বৰমাকে সাধু শুনাবলৈ ক’লে ৷বৰমাকৰ কথামতে হিয়াই সাধু কবলৈ আৰম্ভ কৰিলে এনেকৈ –
“এটা ল’ৰা আছিল৷ল’ৰাটো এদিন পৰি গ’ল আৰু ছোৱালী এজনীয়ে ধৰি উঠালে৷ছোৱালীজনীৰ নাম জনিতা আৰু ল’ৰাটো আছিল ভৈৰৱ পাৱে(হিয়াৰ দেউতাকৰ নাম) ৷তাৰপিছত ছোৱালী জনীয়ে ফুলপাহৰ পৰা পাঁচপাহ ফুল খুজিলে ,ফুলপাহে দিলে কিন্তু ছোৱালীজনীয়ে দুখ কৰি গুছি গ’ল৷”

হিয়া আখ্যান

হিয়া আখ্যান:
হিয়াই নিজৰ হাতখনৰ কিলাকুটিটো দেখুৱাই ক'লে -- "মা, মোৰ আঁঠুটো খজুৱাই দিয়াচোন!!"
মই বুলো-- "ধুনুমুনু,এইটো আঁঠু নকয় নহয়,কিলাকুটি বুলিহে কয়!!

Thursday, 12 January 2017

জান আখ্যান

জান আখ্যান:
জান: মা, গান এটা লগাই দিয়াচোন
মাক (মবাইল চাই চাই):ৰ'বাচোন নেটটো ইমান শ্ল'
জান : শ্ল' যদি স্পীড কৰি দিয়া আকৌ ...

জান আখ্যান

জান আখ্যান:
জান: মা,তোমাৰ মবাইলত বাৰ্বী থকা গেম এটা ভৰাই দিবা দেই
মাক:জেগা নাই অ' দেহা..মেমৰি ফুল !
(জানে মবাইলটো লৈ খালী থকা ঠাইকন দেখুৱাই): এইয়া চোৱা তোমাৰ মবাইলত জেগাই জেগা ..তুমি এনেই কৈছা জেগা নাই বুলি ৷

Wednesday, 28 December 2016

জান আখ্যান

জান আখ্যান:
জান:-অ’ মা… বৰী ই কা মাত্ৰা মানে তুমি মাত্ৰা নেকি?
মাক: অ’ মা!! খা বাপেকে কলটো এতিয়া!(মুখৰ ভিতৰত)

Saturday, 17 December 2016

জান আখ্যান

জান আখ্যান:
জানৰ মনত খুন্দিওৱা প্ৰশ্ন--
মা, “খা বাপ্পেকে” বুলিহে কয় যে!
আৰু “উহ মা!!” বুলিহে কয় যে?

জান আখ্যান

জান আখ্যান:
মা, মাহীমাক থকা সাধুবোৰ যে নুশুনাবা আৰু একেবাৰে বিৰক্ত হৈ গৈছোঁ!মাহীমাক বোৰ চব সাধুতে কিয় বেয়া থাকে??

Friday, 2 December 2016

হিয়া আখ্যান

হিয়া আখ্যান:
মানুহজনে ভৰিত দুখ পালে৷হিয়াই মোৰ ওচৰলৈ দৌৰি আহি ক'লে --
"মা,মা তোমাৰ হাজবেণ্ডে ভৰিত দুখ পালে !!"

Monday, 28 November 2016

জান আখ্যান

জান আখ্যান:
জান-হিয়াই ৰাম-সীতাৰ কথা বেছিকৈ জানিব বিচৰাত আমাৰ দিনৰ ৰামায়ণৰ ডিভিডিখিনি কিনি পেলালোঁ৷ দুইজনী এইকেইদিন ৰামায়ণ চোৱাত ব্যস্ত৷ আজি জানে মোক সুধিলে --
: মা,ৰামৰ ঘৰত মতা নাম নাই নেকি?

Sunday, 27 November 2016

জান আখ্যান

জান আখ্যান:
মা, মই তোমাতকৈ এতিয়াহে চাপৰ হৈ আছোঁ, চাবাছোন মই ডাঙৰ হ'লে তোমাতকৈ ওখ হৈ যাম!!

Wednesday, 23 November 2016

জান-হিয়া আখ্যান

জান-হিয়া আখ্যান-
জান-হিয়াক ঘৰতে কেৱল অসমীয়া বৰ্ণমালাখিনিহে এতিয়ালৈ শিকাই থোৱা হৈছে৷হ্ৰসই কাৰ,দীৰ্ঘই কাৰ এতিয়ালৈকে শিকোৱা হোৱা নাই৷ ইফালে সিহঁতক স্কুলত হিন্দী শিকাইছে, "ছটি কি মাত্ৰা","বড়ী কি মাত্ৰা" শিকাইছে....
জানে সিদিনা মই পঢ়ি থকা অসমীয়া গল্প কিতাপখনত চকু ফুৰালে আৰু পঢ়ি গ'ল--
" ত মে ও কি মাত্ৰা তু, ম মে ছটি কি মাত্ৰা মি -- তুমি....হয় নে মা?

জান-হিয়া আখ্যান

হিয়া:-অ' মা,ৱানৰ আগত কি আহে?
মা :- জিৰ'
হিয়া: জিৰ'ৰ আগত?
মা: ওমমমমম.....
হিয়া:জিৰৰ আগত লাড্ডু আহে!!!!

জান-হিয়া আখ্যান

জান হিয়াই "বুঢ়ী আইৰ সাধু"ৰ গোটেই কেইটা সাধুয়েই শুনিলে৷ সেয়ে আজিকালি পুনৰ শুনিব নিবিচাৰে৷মইও নিজৰ ফালৰ পৰা জনা সাধুবোৰ কৈ কৈ মোৰো তলি উদং হৈছেগৈ৷সিদিনা ৰামায়ণৰ সাধু ক'লো৷বৰ ভাল পালে দুইজনীয়ে৷ এইবাৰ মহাভাৰতৰ সাধুত ধৰিলোঁ৷ গৈ গৈ দ্ৰৌপদীৰ সয়ম্বৰ পালোঁগৈ৷ যেতিয়া ক'লো -- পঞ্চ-পাণ্ডৱে দ্ৰৌপদীক লৈ মাক কুন্তীৰ কাষ পালেগৈ আৰু মাকক যুধিষ্ঠিৰে ক'লে --" মা,তোমাৰ বাবে আমি কি আনিছো চোৱা৷" মাকে ক'লে -- "যি আনিছা ভগাই লোৱা"
মাকৰ মুখৰ কথা ৰক্ষা কৰি পাঁচজন পাণ্ডৱে দ্ৰৌপদীক বিয়া পাতিলে৷
-- সাধু শুনি জানে মূৰে কপালে হাত দিলে ... হিয়াই ক'লে -- "অ' মা,তেন্তে দ্ৰৌপদীয়ে পাঁচবাৰকৈ সেন্দূৰ লৈছিল ন'?

জান-হিয়াৰ কথা

জান-হিয়াৰ কথা:-
(১)
হিয়া: মা,তুমি কাৰোবাক ভাল পোৱা ন?
মা: ???
হিয়া: তুমি, পাপাক ভাল পোৱা ন'?
(২)
জান: মা, মোৰ আখৰকেইটা কেনেকুৱা হৈছে?
মা: বৰ ধুনীয়া হৈছে!
জান: মাক বোৰে জীয়েক বোৰৰ এনেও সব ভাল দেখেই!
(৩)
চিনেমা হলৰ ভিতৰত ---
জান: এন্ধাৰত মবাইল চাব নালাগে বুলি কয় কিন্তু চিনেমা চাওঁতে লাইটবোৰ কিয় বন্ধ কৰি দিয়ে?
"কথানদী"ৰ ভয় লগা দৃশ্য চাব নোৱাৰি চকু দুটা মুদি দিলোঁ৷জান আৰু হিয়াইও মুদি আছে৷ হিয়াই মোক চকু মুদা দেখি কৈ উঠিল--
" মা, তুমি চোন ডাঙৰ মানুহ!ডাঙৰ মানুহে ভয় কৰে নেকি???

হিয়া আখ্যান

হিয়া আখ্যান:
হিয়া: মা,তুমি কেনেকৈ ডাঙৰ হ'লা?
মা : তুমি যেনেকৈ ডাঙৰ হৈছা তেনেকৈ
হিয়া: অ... তুমি মানে হৰলিক্স খাই ডাঙৰ হ'লা

জান আখ্যান

জান আখ্যান:
জান: মা,শিৱৰ বেলেগ এটা নাম কি?
মা: ভৈৰৱ
জান:আমাৰ পাপাৰ নাম ভৈৰৱ পাৱে৷বাৰু মা, পাপা যদি ভৈৰৱ পাৱে, শিৱ…. কি?কি লিখে শিৱই?
মা:ভগৱানৰ উপাধি নাথাকে অ’ সোনজনী!