Showing posts with label কবিতা. Show all posts
Showing posts with label কবিতা. Show all posts

Sunday, 26 March 2017

চকা

যোৱাৰাতি সপোনত এটি চকা
মোৰ হৃদয়ত আহি বহিল৷


পুৱাৰ নিয়ৰে যেতিয়া 
নতুন দিনৰ গান জুৰিলে
চকাটো বুকুত সাৱটি 
জীৱন জয়ৰ উল্লাসত মই
জঁপিয়াই ঘূৰি ফুৰিলোঁ
মৌপিয়া চৰাইটিৰ দৰে৷

Monday, 20 March 2017

নিজান ৰাতিৰ বাঁহী

পাহৰিলে জীয়াই থাকিব পাৰি
সেয়ে ইচ্ছা কৰিয়েই পাহৰি থাকোঁ বহু কথা৷

ভাল বাটে আহোঁ বুলি ভুল বাটে আহি উজুটি খালোঁ৷

কুৰুকি কুৰুকি সান্নিধ্যৰ উশাহ বিচাৰি বিচাৰি
মই এটা শামুকলৈ ৰূপান্তৰ হওঁ

আজি শাওণৰ বৰষুণৰ ঘন ক'লা ৰাতি
বুকুত জীপাল নিয়ৰতিতা ঘাঁহনি এডৰা৷

বৰ নীৰৱে বুকুৰ একোণত বাঁহী বাজিছে
যেন নিজান ৰাতিৰ বাঁহী৷৷

ৰচনাকাল:২০০২

ডাৱৰীয়া ৰাতি

তই এনেকৈ আহিবি বুলি জনা হ'লে
মই হয়তো কেতিয়াও তেনে নকৰিলোহেঁতেন!

এতিয়া চিপচিপীয়া বৰষুণজাকেৰে
হৃদয় জুৰুলি জুপুৰি৷

ভেকুলীৰ টোৰটোৰণিৰে
জয়াল যেন লগা
এটা ডাৱৰীয়া ৰাতি৷৷

ৰচনাকাল:২০০২

বালিঘৰ

সাগৰৰ বালিৰে সজা বালিঘৰ
ঢৌবোৰে ভাঙিছে বাৰে বাৰে৷

তথাপি সাজিছোঁ৷

তোমাৰ হাঁহিত বাগৰি পৰিছে
দুখৰ এপাহ ইন্দ্ৰমালতী৷৷

ৰচনাকাল:২০০২

হুমুনিয়াহ

হুমুনিয়াহৰ এটা দীঘল নিশ্বাসেৰে
তোমাৰ কাষতে আউজি বহিলোঁ

আদিগন্ত বিস্তৃত নীলাকাশলৈ চালোঁ

মোৰ এই দীঘল নিশ্বাসে
আকাশ চুব পৰা হ'লে
মই উৰে ৰাতি
হাতত ৰঙীন পানীয় লৈ
উলাহত তোমাৰ কাষতে বহি থাকিলোহেঁতেন৷৷
ৰচনাকাল:২০০২

এনেকৈয়ে অহা যোৱা কৰা তুমি

এনেকৈয়ে অহা যোৱা কৰা তুমি
মই থমকি ৰওঁ

কোমল সুহুৰি এটা বাজি থাকে
ঘনে ঘনে

হৃদয়ত আঁকো
আকাশনীলা বহুতো ছবি

ৰচনাকাল:১৯৯৯

তুমি

তুমি
এপাহ ৰঙা গোলাপ
ধুমুহা ৰাতিৰ এছাটি বতাহ
তুমি মোৰ
চিনাকী আপোন গান৷৷

তুমি কোমল সেউজ দুৱৰি
পুৱাৰ নিয়ৰকণা
ঠেঁটুৱৈ লগা শীতৰ ধূসৰ কুঁৱলী৷৷

বৰ্ণনাতীত তুমি
তুমি সাৰথি- ভঙা-গঢ়াৰ
তুমি বন্ধু --বুজা-নুবুজাৰ

তুমিয়েই আকাশ
তোমাৰ বুকুতেই মোৰ
তৰা আৰু জোনবাই

জীৱনে-মৰণে
উশাহে-নিশাহে
মাথোঁ তুমি তুমি আৰু তুমি!!

ৰচনাকাল:১৯৯৯

অকলশৰে মই বহি আছোঁ

অকলশৰে মই বহি আছোঁ
মোৰ চেতনাৰ চৌদিশে নি:সঙ্গতা
মই মাথোঁ এতিয়া
নিসঙ্গতাৰ সমাহাৰ

ৰচনাকাল:১৯৯৭

মোৰ দুচকুত নামে

মোৰ দুচকুত নামে
এসাগৰ আকাশ নীলা বন্যা
উচুপনীত মই আৰু মোৰ একাকী সত্বা!!

ৰচনাকাল:১৯৯৭

Wednesday, 22 February 2017

উদাসী শূণ্যতা

এজাক হিমচেঁচা উতনুৱা বতাহত
কঁপি থাকিল আঁহত পাতখিলা

য'ৰ পৰা আৰম্ভ হৈছিল
এটি প্ৰিয় গান
তাতে থিয় হ'ল তাই

এটি বেজেৰুৱা অনুভৱে
দুচকু তিয়াই পেলালে

জীৱন মঞ্চৰ উদাসী শূণ্যতাত
বুৰ গ'ল তাই !!

Tuesday, 17 January 2017

কবিতা

মুখৰিত কুঞ্জবন
 (মৰমেৰে ধুনু বাৰ হাতত)
 হৃদয়ৰ মহঙা বজাৰত
দুখীজনৰ বাবে কান্দি উঠা
এখনি মৰম-কোমল হৃদয়েৰে
আপুনি আহিছিল
আৰ্ত জনৰ হৃদয়ৰ খবৰ লবলৈ

চকুত তিৰবিৰ প্ৰজ্ঞাৰ পোহৰ
মুখখনিত উজ্জ্বলি উঠা বুদ্ধৰ জ্যোতি  
আৰু সেই জ্যোতিৰ এচলু স্পৰ্শত ধন্য এটি নিমাখিত প্ৰাণ

আজি মুখৰিত কুঞ্জবন
সপোনে-দিঠকে সুৰীয়া গান ৷৷






“মৌ মিঠা সুগন্ধি-২”
পাৰিজাত ফুলৰ নন্দন বনত
 কোন বতাহীৰ গুণগুণনি
চৌপাশ আজি মৌমিঠা সুগন্ধি৷৷

ফুলৰ বৃষ্টি পৰে
দেৱদূতী নাচে
গানৰ তালে তালে
তা ধিন তা ধিন তা ধিন তা৷৷

নন্দনবনত আজি জোনাকময় গীতৰ মেহফিল৷৷
 দেৱদূতী নাচে তা ধিন তা ধিন তা ধিন তা৷৷




Friday, 13 January 2017

“বিষন্নতা ভাল পোৱা সখীলৈ..”

“বিষন্নতা ভাল পোৱা সখীলৈ..”

সখী,
তুমি মোলৈ লিখিছিলা
তোমাৰ বিষন্ন চহৰৰ বাতৰি

তুমি জী আছিলা
অথচ তোমাৰ চকুত প্ৰাণ নাছিল
ভাল পাইছিলা তুমি অস্তগামী বেলি

তুমি মোলৈ লিখিছিলা
প্ৰভাতী বেলিৰ পোহৰত তোমাৰ মনৰ বেলি ডুব যোৱাৰ কথা


বিষন্নতাক সাৱটিছিলা তুমি
বিষন্নতাত বুৰিছিলা তুমি

আৰু এদিন বিষন্নতাৰ এটি সৰা পাত হৈ ধূলিৰ লগত মিলি গ’লা

বিষন্নতা ভাল পোৱা মোৰ সখীজনী
তোমাক হেৰুৱাৰ বিষন্নতাতে মই আজি তোমালৈ লিখিছো চিঠি

আজি মই শুনাম তোমাক
মোৰ বিষন্ন চহৰৰ বাতৰি

জানা সখী
মোৰ চহৰত উৰে শৰালী – বিষন্ন আবেলি

ফুলৰ পাহি সৰে—নীৰৱে গধূলি

একাকী শূণ্যতাৰ ধূলি ধুমুহা এজাকত
দুখৰ বিননিৰ গভীৰতাত
নুপুৱায় ৰাতি

সখী, বৰ বিষন্ন মই –তোমাৰ দৰেই

বিষন্নতাৰ ধূলিত মিলি যাম বুলি ভবা
এইয়া মোৰ শেষ চিঠি –তোমালৈ                                                              

সখী,
তুমি মোলৈ লিখিছিলা
তোমাৰ বিষন্ন চহৰৰ বাতৰি

তুমি জী আছিলা
অথচ তোমাৰ চকুত প্ৰাণ নাছিল
ভাল পাইছিলা তুমি অস্তগামী বেলি

তুমি মোলৈ লিখিছিলা
প্ৰভাতী বেলিৰ পোহৰত তোমাৰ মনৰ বেলি ডুব যোৱাৰ কথা


বিষন্নতাক সাৱটিছিলা তুমি
বিষন্নতাত বুৰিছিলা তুমি

আৰু এদিন বিষন্নতাৰ এটি সৰা পাত হৈ ধূলিৰ লগত মিলি গ’লা

বিষন্নতা ভাল পোৱা মোৰ সখীজনী
তোমাক হেৰুৱাৰ বিষন্নতাতে মই আজি তোমালৈ লিখিছো চিঠি

আজি মই শুনাম তোমাক
মোৰ বিষন্ন চহৰৰ বাতৰি

জানা সখী
মোৰ চহৰত উৰে শৰালী – বিষন্ন আবেলি

ফুলৰ পাহি সৰে—নীৰৱে গধূলি

একাকী শূণ্যতাৰ ধূলি ধুমুহা এজাকত
দুখৰ বিননিৰ গভীৰতাত
নুপুৱায় ৰাতি

সখী, বৰ বিষন্ন মই –তোমাৰ দৰেই

বিষন্নতাৰ ধূলিত মিলি যাম বুলি ভবা

এইয়া মোৰ শেষ চিঠি –তোমালৈ                                                              

Monday, 28 November 2016

টুকুৰা পদ্য

টুকুৰা পদ্য
১)
নিয়ৰসনা ঘাঁহনিখনিৰ মাজৰ পৰা
বেং এটা জপিয়াই উঠিল
তোমাৰ চকুলৈ কেনেকৈ চাওঁ
মোৰ যে চকুত শাওনীয়া মেঘৰ নাচোন৷৷
২)
হাচনাহানা জোপাত
মৌপিয়া চৰাইজনী বহি আছিল
তেতিয়া তোমাৰ হৃদয় আছিল মৰুভূমি৷৷
৩)
আইনাত সৰল গছৰ প্ৰতিবিম্ব
এই কথা তুমি যদি জানিলাহেঁতেন
সবাতোকৈ সুখী হ'লোহেঁতেন মই৷৷

Sunday, 10 July 2016

"পাহৰিও পাহৰিব নোৱাৰা কথাবোৰ"

"পাহৰিও পাহৰিব নোৱাৰা কথাবোৰ"
পাহৰিও পাহৰিব নোৱাৰা কথাবোৰ
বুকুৰ কোণত সোণাৰু হৈ ফুলে৷
সৰি পৰা সোণাৰুৰ পাহি
ৰ'দৰ তাপত শুকায়
বৰ ভয় লাগে জানা
তোমাক হেৰুৱাওঁ বুলি
যিদৰে ভয় লাগে
নিশ্চিদ্ৰ অন্ধকাৰলৈ!
সোণাৰু ফুলবোৰ বৰষুণত তিতিছে
শুকান পাহিবোৰ বৰষুণত তিতিছে

Sunday, 8 May 2016

"আজাৰ নিজাৰ পৰা শূণ্যতা"

"আজাৰ নিজাৰ পৰা শূণ্যতা"
জোনাক ফুলা ঘৰটোত
এতিয়া আজাৰ নিজাৰ পৰা শূণ্যতা
যেন পঢিবলৈ থাকি যোৱা
এখন মহাকাব্যৰ শেষৰ দুখিলা পাত
মনত পৰে তোমালৈ
চঞ্চলা চপলা এটি জুৰিৰ দৰে আছিলা তুমি
তোমালোকৰ ঘৰৰ
খেৰৰ চালত উঠা মেকুৰীটোৰ স'তে
আমি যে খেলিছিলোঁ
মেকুৰী ভাল পাবলৈ তুমিয়েই মোক শিকাইছিলা!!!
মৌনতাৰ কবিতা হৈ তুমি এদিন ডাৱৰৰ সিপাৰে গুচি গ'লাগৈ
বৈ অহা চকুৰ লোটক গোট মৰা
তোমাৰ মাৰ চকুৱে
তোমাক বিচাৰি
উদং পথাৰখনত বহি ৰৈছিল
আৰু এদিন
তোমাৰ মাও গুচি গ'ল তোমাৰ কাষলৈ
জন্ম - মৃত্যুৰ চিৰন্তন সত্যক দোহাৰি
ভৰপুৰ ঘৰখনৰ এজন এজনকৈ সকলো গ'লগৈ তোমাৰ কাষলৈ
তোমালোকৰ ঘৰৰ চোতালত এতিয়া
এটি ৰৈ যোৱা কবিতা
গুমগুমায় থাকে
দেহিঐ - শূণ্যতা৷
Comments
Manohar Dutta 'তোমালোকৰ ঘৰৰ চোতালত এতিয়া
এটি ৰৈ যোৱা কবিতা
গুমগুমায় থাকে...See More
UnlikeReply1May 5 at 5:53am
Mousumee Bori ধন্যবাদ দাদা
LikeReply1May 5 at 9:23am
Manohar Dutta ধন্যবাদ নালাগে, দিয়া যদি নতুন কবিতা দিবা। smile emotico

"শেৱালি ফুলৰ দৰে"

"শেৱালি ফুলৰ দৰে"
শেৱালি ফুলৰ দৰে কিছুমান স্মৃতি শুই থাকে সৰা পাতৰ দলিচাত
অনিচ্ছাকৃত গাম্ভীৰ্যৰে জগোৱা নহয় সেই স্মৃতি অথবা ইচ্ছাকৃতভাৱেও জাগি নুঠে সেই নিদ্ৰাৰত স্মৃতিময় ফুল
অথচ কপাহ-কোমল যেন
চুই দিলেই লাজুকীলতাৰ দৰে জাপখাই যোৱা
স্মৃতিভৰপক কাতৰতাত দুচকু সেমেকি উঠা
কোনো এক নিনাও কবিৰ হৃদয়ৰ পেৰাত জাপখাই থকা এমুঠি কবিতাযেন সেই স্মৃতি!!
Like
Comment
Comments
ৰূপম সাউদ ভাল লাগিল পঢ়ি ।
Mousumee Bori ধন্যবাদ
Mousumee Bori
Write a reply...
Altaf Hussain ভাল লাগিল
Mousumee Bori ধন্যবাদ
LikeReply1March 30 at 7:25pm
Mousumee Bori
Write a reply...
Tapan Neog "শেৱালি ফুলৰ দৰে" সুন্দৰ সৃষ্টি, ভাল লাগিল like e