"হেঁপাহ"

• "হেঁপাহ"

  সেইদিনা শৰতৰ ধুনীয়া আকাশখনে আমাক আদৰি নিছিল ঘাটলৈ বুলি

  ঘাটৰ পাৰত ৰৈ আছিল ফেৰী

  বৰলুইতৰ সিপাৰে আয়ে মোলৈ বাট চাই আছিল

  উলিয়াই দিয়া জীয়ৰীৰ আইৰ ঘৰলৈ যিমান হেঁপাহ আইৰো মোলৈ সিমানেই

  হেঁপাহ হেঁপাহ আৰু হেঁপাহ

  নীলা আকাশ, নীলা নদী, নীলা মন সকলোতে হেঁপাহৰ নীলা

  উৰি যোৱা শৰালিজাকে ৰ’দ জিলমিল মুকুতাবোৰে হেঁপাহৰ গান গালে

  ইটো পাৰৰপৰা আমি যেতিয়া সিটো পাৰ পালোঁঁগৈ কণমান গাহৰি পোৱালি এটাই দৌৰি আহি ঘাটৰ পাৰত হেঁপাহেৰে মাকৰ গাখীৰ খালে