গল্ফীৰ ডায়েৰি

গল্ফীৰ ডায়েৰি:
কেতিয়াবা কিছুমান কথা মনত পৰি বৰ হাঁহি উঠে৷ এবাৰ মই আৰু মোৰ ভন্টী এজনীয়ে চাহৰ লগত বিস্কুট খাই আছিলোঁ৷ বিস্কুটৰ পেকেটটোৰ নাম পাহৰিলোঁ এতিয়া৷ বিস্কুটটো খাবলৈ ইমানেই সোৱাদযুক্ত আছিল যে আমি দুইজনীয়ে বিস্কুট পেকেটটোৰ গুণ গাই গাই বিস্কুট খাই আছিলোঁ৷বিস্কুটৰ পেকেটটো শেষ হ'লত ভন্টীজনীয়ে পেকেটটো দাষ্টবিনলৈ দলিয়াই দিলে৷ দাষ্টবিনটো অৱশ্যে চাফা দাষ্টবিনেই আছিল৷ মই লোভনীয় দৃষ্টিৰে দাষ্টবিনত পৰি ৰোৱা বিস্কুটৰ পেকেটটোলৈ চালোঁ৷হঠাতে মোৰ মুখখন উজলি উঠিল৷ মই আনন্দতে কৈ উঠিলোঁ --"ঐ এখন বিস্কুট এতিয়াও সোমাই আছে চোৱা..." ভন্টীজনীয়ে ক'লে--" ব'লা, উঠাই আনি খাই পেলাওঁ"৷