গল্ফীৰ ডায়েৰি

গল্ফীৰ ডায়েৰি:-

মাজনী বাইদেৱে নতুনকৈ স্মাৰ্টফোন এটা লৈছে, কিন্তু কেনেকৈ ব্যৱহাৰ কৰে নাজানে৷পিছে আজিকালি সকলোৱে ফেচবুক,ৱাটচএপ ব্যৱহাৰ কৰে বুলি জানে৷বীৰুক ক’লে—“বীৰু,এইটোত ফেচবুক,ৱটচঅপ ডাউন কৰি দেছোন তাৰপিছত সৱ শিকাই দিবি দেই”৷

এসপ্তাহমান বীৰুৰ পৰা ট্ৰেইনিং লৈ মাজনী বাইদেৱে স্মাৰ্টফোন ব্যৱহাৰ কৰিব পৰা হ’ল৷ফেচবুক চলাই আনন্দ পোৱা হ’ল৷ফে’চবুকত বন্ধুও অলপ গোট খালে৷পিছে হাঁহি উঠা কথা পঢ়োঁতে,বন্ধুসকলৰ ফটো আদি চাওঁতে প্ৰায়ে “angry” চিম্বলটো হাতলাগি গুচি যায় ৷মাজনী বাইদেৱে চিম্বলটো সলাব জনা নাই এতিয়ালৈকে৷
“অ’ কটা খং উঠাটোকে দিব পাব লাগেনে!!” –এইবুলি কৈ থৈ দিয়ে৷
সিদিনা ফটো এখন লাইক কৰিব খুজোঁতে “wow” চিম্বলটো দিলে৷

বীৰুক ক’লে – “অ’ বীৰু,চাচোন চা “ৱ’ ৱ’” চিম্বলটো দি দিলোঁ ফটোখনত!!যা কটা!”