এবুকু পানীত কক্ বকাই

মিতভাষ -- ১৭৭
এবুকু পানীত কক্ বকাই

এবুকু পানীত কক্ বকাই... উঠি আহোঁ। পানীৰ তলৰ কাঁইটে চিৰাচিৰ কৰা মোৰ জীৰ্ণ অৱয়ব । ... প্রাণপনে পাৰ হওঁ ভগ্ন দলং --- ওলাই থকা গজাল আৰু ভঙা কাঠৰ টুকুৰাত উজুটিয়াই থমকি ৰওঁ... ছিটিকি পৰে তেজ । তথাপিও গৈ থাকোঁ ... দলঙৰ সিটো পাৰে ৰৈ থাকে বনফুলৰ দৰে ছোৱালীজনী ... তাইৰ বাবেই বৈ নিওঁ এটি মুকুতা ---- যিটো ধাৰণ কৰিবৰ বাবে বাৰে বাৰে বৰণ কৰোঁ এই জীৱন --- খোলাৰ আৰত সংগোপনে ৰাখোঁ যন্ত্রণাৰ জীৱন্ত দলিল --- অথচ সেই যন্ত্রণাৰ প্রতিধ্বনি শুনো তাইৰ বুকুত ... নাজানো মই নে তাই মোৰ প্রতিবিম্ব ?

#অনিতা গগৈ